ਸਾਈਲ ਲੈਰਿਨ ਦੇ ਸ਼ਾਨਦਾਰ ਗੋਲ ਨੇ ਕੈਨੇਡਾ-ਬੋਸਨੀਆ ਮੈਚ ਿਰਹਾ ਟਾਈ

ਕੈਲਗਰੀ, 13 ਜੂਨ (ਦੇਸ ਪੰਜਾਬ ਟਾਈਮਜ਼):
ਟੋਰੰਟੋ ਸਟੇਡੀਅਮ ਵਿੱਚ ਖੇਡੇ ਗਏ ਇੱਕ ਰੋਮਾਂਚਕ ਮੁਕਾਬਲੇ ਵਿੱਚ ਕੈਨੇਡਾ ਨੇ ਫੀਫਾ ਵਰਲਡ ਕੱਪ ਦੇ ਇਤਿਹਾਸ ਵਿੱਚ ਆਪਣਾ ਪਹਿਲਾ ਅੰਕ ਹਾਸਲ ਕਰ ਲਿਆ ਹੈ। ਸ਼ੁੱਕਰਵਾਰ ਨੂੰ ਬੋਸਨੀਆ-ਹਰਜ਼ੇਗੋਵਿਨਾ ਵਿਰੁੱਧ ਖੇਡਿਆ ਗਿਆ ਇਹ ਮੈਚ 1-1 ਦੀ ਬਰਾਬਰੀ ‘ਤੇ ਸਮਾਪਤ ਹੋਇਆ। ਮੈਚ ਦੇ 78ਵੇਂ ਮਿੰਟ ਵਿੱਚ ਬਦਲਵੇਂ ਖਿਡਾਰੀ ਵਜੋਂ ਮੈਦਾਨ ਵਿੱਚ ਉਤਰੇ ਸਾਈਲ ਲੈਰਿਨ ਨੇ ਦੋ ਰੱਖਿਆਤਮਕ ਖਿਡਾਰੀਆਂ ਨੂੰ ਚਕਮਾ ਦਿੰਦੇ ਹੋਏ ਸ਼ਾਨਦਾਰ ਗੋਲ ਕਰਕੇ ਕੈਨੇਡਾ ਨੂੰ ਬਰਾਬਰੀ ਦਿਵਾਈ। ਇਸ ਤੋਂ ਪਹਿਲਾਂ ਬੋਸਨੀਆ ਵੱਲੋਂ ਜੋਵੋ ਲੁਕਿਚ ਨੇ 21ਵੇਂ ਮਿੰਟ ਵਿੱਚ ਇੱਕ ਕਾਰਨਰ ਕਿੱਕ ‘ਤੇ ਹੈਡਰ ਰਾਹੀਂ ਗੋਲ ਕਰਕੇ ਆਪਣੀ ਟੀਮ ਨੂੰ ਲੀਡ ਦਿਵਾਈ ਸੀ। ਸਟੇਡੀਅਮ ਵਿੱਚ 43,002 ਦਰਸ਼ਕਾਂ ਦੀ ਭਾਰੀ ਭੀੜ ਮੌਜੂਦ ਸੀ, ਜੋ ਲਗਾਤਾਰ ਆਪਣੀ ਘਰੇਲੂ ਟੀਮ ਦਾ ਹੌਸਲਾ ਵਧਾ ਰਹੀ ਸੀ। ਕੈਨੇਡਾ ਦੀ ਟੀਮ ਪਹਿਲੇ ਹਾਫ ਵਿੱਚ ਬੋਸਨੀਆ ਦੀ ਮਜ਼ਬੂਤ ਰੱਖਿਆ ਪੰਕਤੀ ਨੂੰ ਤੋੜਨ ਵਿੱਚ ਅਸਫਲ ਰਹੀ ਸੀ, ਪਰ ਲੈਰਿਨ ਦੇ ਗੋਲ ਨੇ ਸਟੇਡੀਅਮ ਵਿੱਚ ਜੋਸ਼ ਭਰ ਦਿੱਤਾ। ਸਟਾਰ ਖਿਡਾਰੀ ਅਲਫੋਂਸੋ ਡੇਵਿਸ ਦੇ ਜ਼ਖਮੀ ਹੋਣ ਕਾਰਨ ਸਟੀਫਨ ਯੂਸਟਾਕਿਓ ਨੇ ਟੀਮ ਦੀ ਕਪਤਾਨੀ ਕੀਤੀ। ਕੋਚ ਜੈਸੀ ਮਾਰਸ਼ ਨੇ ਸ਼ੁਰੂਆਤੀ ਇਲੈਵਨ ਵਿੱਚ ਜੋਨਾਥਨ ਡੇਵਿਡ ਅਤੇ ਟੈਨੀ ਓਲੁਵਾਸੇਈ ਨੂੰ ਮੌਕਾ ਦਿੱਤਾ ਸੀ। ਮੈਚ ਦੌਰਾਨ ਮੌਸਮ ਬਹੁਤ ਸੁਹਾਵਣਾ ਸੀ ਅਤੇ ਤਾਪਮਾਨ 26 C ਦਰਜ ਕੀਤਾ ਗਿਆ। ਮੈਚ ਸ਼ੁਰੂ ਹੋਣ ਤੋਂ ਪਹਿਲਾਂ ਮਸ਼ਹੂਰ ਕਲਾਕਾਰਾਂ ਵਿਲ ਅਰਨੇਟ, ਮਾਈਕਲ ਬੁਬਲੇ ਅਤੇ ਐਲਨਿਸ ਮੋਰੀਸੈਟ ਨੇ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ।
ਦੁਨੀਆ ਵਿੱਚ 64ਵੇਂ ਰੈਂਕ ਵਾਲੀ ਬੋਸਨੀਆ ਦੀ ਟੀਮ ਨੇ ਸਖਤ ਖੇਡ ਦਿਖਾਈ। ਇਸ ਤੋਂ ਪਹਿਲਾਂ ਕੈਨੇਡਾ ਆਪਣੇ ਪਿਛਲੇ ਦੋਵੇਂ ਵਰਲਡ ਕੱਪ ਮੁਕਾਬਲਿਆਂ ਵਿੱਚ ਕੋਈ ਮੈਚ ਨਹੀਂ ਜਿੱਤ ਸਕਿਆ ਸੀ। ਹੁਣ ਕੈਨੇਡੀਅਨ ਟੀਮ ਅਗਲੇ ਗਰੁੱਪ ਪੜਾਅ ਦੇ ਮੈਚਾਂ ਲਈ ਵੈਨਕੂਵਰ ਰਵਾਨਾ ਹੋਵੇਗੀ, ਜਿੱਥੇ ਵੀਰਵਾਰ ਨੂੰ ਉਸਦਾ ਮੁਕਾਬਲਾ ਕਤਰ ਨਾਲ ਅਤੇ 24 ਜੂਨ ਨੂੰ ਸਵਿਟਜ਼ਰਲੈਂਡ ਨਾਲ ਹੋਵੇਗਾ।